Nasreddin Hoca

Türkü Sözü

Nasreddin Hoca

Nasreddin Hoca Sözleri

Kaba-yı köhne gey yigrencilikdür
Hakaretdür heman dilencilikdür

Pelas ile yürüyüp gice gündüz
Didürme kendüzüne çullu kuduz

Libas ile salın sola vü sağa
Meseldür dost başa düşman ayağa

Geçinmek ac u ok gizlü burıdur
Mülebbes yürimek düşman koridur

Libas ıssı olur her safda makbul
Deve çökdükçe yir bulur dimez ol

İşidün Nazırüddin den hikayet
Pelası vü libasından rivayet

Meger bir devlet issi niçe nimet
Bişürüp halkı ider toya davet

Varur hemen Nasirüddin Hace anda
Hemin geydügi köhneyle mekanda

Geyenler taze vü rengin kabalar
Geçüben sadra sürerler safalar

Bulınmaz rağbet olmayan libası
Düşürür Haceyi alçak pelası

Tolar alalar önü nimet ile
Geçer ednalar anda kıllet ile

Bu cemiyyet tağılup çün geçeray
İder bir toy u davetyine bir bay

Bu defa Nasidüddin Hace kat kat
Tonanur kıymeti tonlarla onat

İçine atlas u üstine cübbe
Geyüp destar urunur misl-i kubbe

Varur ol davete bu suret ile
Emirane vekar u ziynet ile

Görüben halk istikbal iderler
Kamu hizmetde istical iderler

Ana mesken kılup ali mekamı
Çekerler önüne dürlü taamı

Çekildüginde nimetler önine
Çeker iki elin Hacem yinine

Sokar yinleri içine her aşun
Ziyanın fikr kılmaz ol kuşmaşun

Görenler dirler iy Hace ne işdür
Taamı bu ne vech ile yiyüşdür

Dir anlara degül bana bu hizmet
Libas içün gelüpdür bunca nimet

Fakirane varup bir toya evvel
Bulımadum taam uzatmağa el

Çü bu tonlaradur bunca yimekler
Düşer pes bunları yinler yimekler

Dimişler Nasırüddin Haca ya ah
Düşüben oğlun ussı gitdi nagah

Dimiş ussı yoğ idi bu ne tan iş
Nesi gitdi ola idün ki teftiş

Çoğ oğlancıklar olur katı zirek
Görüp işitdügin anlar tizirek

Cevabında sözüne kadir olur
Ulalup ilm okısa mahirolur

Bir oğlancuk işidün bir harife
Gevab ile ne hoş geçmiş latife

www.baglamaci.com